شعبة الرياضيات SMA ET SMI في لفاك :

SMA ou SMI

شعبة الرياضات من افضل الشعب وربما اصعبها فلفاك معروفة غير بالخدمة والخدمة ثم الخدمة

هاد شعبة كيدخلو ليها صحاب الباك شعبة صيونص ماط وشعبة الفيزياء غادي نرجع لهاد نقطة ديال صحاب شعبة الفيزياء بالتفصيل.
اولا صحاب شعبة الرياضيات فلباك غادي يكملو رياضيات فلفاك عادي بغض نظر على النقطة لجابو المهم يكون واخد الباك ،نهار لغادي يتفتح التسجيل غادي طلع ليهم هاد الشعبة فلائحة الاختيارات عكس باقي الشعب الاخرى.
هاد الشعبة فيها جوج تخصصات:

SMI:sience math informatique
SMA: science math appliqué

في العام الاول كيقراو بحال بحال يعني نفس المواد فالتخصصات بجوج، العام الثاني يبداو كل واحد يتعمق فالتخصص ديالو بالنسبة SMI كيقراو الماط ويتعمقو ف informatique ولكن الماط ديالها راه حتا هو صعيب وخصو الخدمة بحال ديال SMA

مميزات شعبة الرياضيات SMA ET SMI

لكيمزي شعبة الرياضيات هو انو فيها ناس قلال حيث كتبغي الخدمة الخدمة بالمعقول وناس ديالها كيكونو كلهم مجهدين وخا راه كاع الشعب خصهم خدمة ولكن هادي خص خدمة مضاعفة وخصك تكون كتبغي هاد لمادة وماشي دايراها غير حيث شي صاحبك دارها ول شي واحد قاليك درها.
ندوزو دبا الافاق ديال شعبة الرياضيات لكتشابه مع افاق شعبة الفيزياء من بعد ما كتخد الدوݣ DEUG بمنسيو 12 لفوق كيخوليك ترشح لولوج مدارس المهندسين منها:
EMI, ENSA, ENSAM, EHTP, ENSIAS ,ENSIM
دبا نرجعو نقطة واش حتا صحاب باك الفيزك يمكن ليهم يدرو الماط فلفاك ؟
نعم يمكن ليهم ولكن بشروط حيث نهار تسجلو فسيت مغديش تطلع ليكم شعبة الرياضيات فالاختيارات حيث نتا باك فيزك على عكس صحاب باك صيونص ماط.

اشنو خصك دير فهاد الحالة؟؟

اولا غادي تختار شعبة الفيزياء ومن بعد ملي تبدأ القراية غادي تمشي ودير طلب باش تغير الشعبة ديالك (من فيزك لماط) عند مصلحة شؤون الطلبة وكيقبلو غير لعندهم النقط فالفيزك والماط طاعلة (الفيزك فوق 15 والماط فوق 16) يعني ملي تفكر دير هاد شعبة شوف بعدا نقاط ديالك واش يسمحو ليك ديرها حيث ميمكنش تولج ليها غير هكاك حيث غتلقا ناس قاريين عليك بزاف ديال الحوايج فلماط فلباك