برنامج مراجعة دروس الفيزياء و الكيمياء الثانية باك

السلام عليكم أعزائي التلاميذ ☺

بزاف ديال الثلاميذ كيسولوني باش يبداو المراجعة ديال الفيزيك

في نظري أحسن تبدا ب:

الكهرباء

الكيمياء

الميكيانيك

الموجات-النووي

لأن الكهرباء ديما كيتلاح وكتكون عليه 5 نقط تقريبا وساهل يعني بالزربة غادي تساليه
من بعد تدوز للكيمياء وبدا بالتفاعلات المقرونة بتفاعلات حمض قاعدة من تسالي هاذ الدرس دوز للدرس ديال الاعمدة والتحولات القسرية(مسلللك فيزياء وعلوم رياضية) ,الأسترة ثم رجع للدرس1 ديال التتبع الزمني . هاد الشي كامل لأن الكيمياء عليه 7 نقط ونزيدك إلى بغيتي تشد الكيمياء خاصك تكون عارف العلاقات لأن الكيمياء 60 في المئة حفاضة( حفظ العلاقات).مني تسالي أسيدي الكيمياء دوز الميكانيك وركز على الحركة فوق مستوى مائل والقذيفة والدراسة الطاقية ديال النوسات(المرن-اللي-البسيط-الوازن)مني تسالي هاذوا عاود راجعوهم مزيان

مني تساليهم عاود راجعهم مزيان وخدم وطنيات إلى لقيتي راسك مزيان, (راجع الأقمار+ دقيقة مشوحنة + حركة دوران==> هاذو خدم فيهم كل تمرين راه إحتمال باش يتلاحوا هو 5 في المئة). مني تسالي هاذ الشي لي قلت سير للنووي والموجات راه غير حفاضة حتى هما

☺

(زكرياء شريقي)